حلول حسب نشاطك
نفس المنظومات، مظبوطة على طريقة شغل نشاطك بالظبط. اختار نشاطك تحت.
العيادات
الساعة ٩ الصباح، السكرتيرة بتفتح الشاشة وشايفة مواعيد النهاردة كلها. المريض اللي حجز من اللينك امبارح موجود في اللستة. بيخلص الكشف، الفاتورة بتتعمل من نفس الشاشة، والباقي على حسابه بيفضل مسجل.
المنظومات المستخدمة: إدارة العملاء والمواعيد · الحسابات
- مش نظام سجلات طبية إلكترونية — مفيش روشتات ولا رسم أسنان ولا ربط بمعامل.
- مش نظام دور وانتظار — بيشتغل بمواعيد محددة، والطوابير بتغطي الباقي.
لقطة شاشة — العيادات
مراكز التدريب
الأم بتحجز حصة تجريبية من لينك على صفحة الفيسبوك. بتيجي، بتشترك في باقة ١٢ حصة، والباقة بتتخصم مع كل حضور. آخر الشهر، مرتبات المدربين بتتحسب من نفس النظام.
المنظومات المستخدمة: إدارة العملاء والمواعيد · الحسابات · شؤون الموظفين
- مش نظام إدارة مدارس — مفيش كنترول ولا درجات ولا بوابة أولياء أمور.
لقطة شاشة — مراكز التدريب
مراكز الصيانة
العميل بيحجز ميعاد من اللينك. بييجي، الفني بيشتغل، وقطع الغيار المستخدمة بتتخصم من المخزن مع الفاتورة. آخر الأسبوع بتفتح تقرير: قطع الغيار اللي قربت تخلص، وإيراد كل فني.
المنظومات المستخدمة: إدارة العملاء والمواعيد · نقاط البيع والمخازن
- مفيش أوردر شغل تفصيلي بمراحل ولا تتبع تاريخ لكل عربية بالشاسيه.
لقطة شاشة — مراكز الصيانة
الشركات الخدمية
عميل محتمل بيتسجل، الصفقة بتتكسب وبتتحول لعرض سعر من نفس النظام. المشروع بيتفتح بمراحله وميزانيته، الفريق بيسجل ساعاته، وقبل التسليم بتعرف المشروع كسب كام فعلاً.
المنظومات المستخدمة: المشاريع · إدارة العملاء والمواعيد · الحسابات
- مش نظام مقاولات — مفيش مستخلصات ولا ضمان أعمال.
لقطة شاشة — الشركات الخدمية
التجارة والتوزيع
أمر شراء بيتعمل للمورد، البضاعة بتيجي وبتتضاف للمخزن. المندوب بيبيع، الفاتورة بتتعمل، والرصيد بينزل في نفس اللحظة. آخر اليوم الإدارة شايفة مبيعات كل فرع ومين عليه فلوس.
المنظومات المستخدمة: نقاط البيع والمخازن · الحسابات
- مفيش تتبع تشغيلات ولا تواريخ صلاحية ولا تصنيع.
لقطة شاشة — التجارة والتوزيع